კიდევ ერთი ოქრო – ბექა ლომთაძე მსოფლიოს ჩემპიონი გახდა

107

ყაზახეთში მიმდინარე მსოფლიო ჩემპიონატზე თავისუფალი სტილით მოჭიდავე ბექა ლომთაძემ 61-კგ წონის კატეგორიის ფინალში რუსი მაგომედრასულ იდრისოვი 6:1 დაამარცხა და მსოფლიოს ჩემპიონი გახდა.

ბექამ 1/8-ფინალში მოლდოველი მიჰაი ეშანუს მოუგო- 10:0.  შემდეგ ეტაპზე,  1/4-ფინალში ამერიკელი ტილერ ლი გრაფი დაამარცხა- 3:1. ხოლო ნახევარფინალში ინდოელ რაჰულ ბალასაჰებ ავარეს 10:6 აჯობა.
ბექა ლომთაძეს აქამდე 3 ფინალი ჰქონდა წაგებული- 2 ევროპისა და 1 მსოფლიო ჩემპიონატზე. ახლა კი დამსახურებულად მოიპოვა პრესტიჟული ტიტული..
მოგეხსენებათ, გუშინ, 21 სექტემბერს, მსოფლიოს ჩემპიონობა გენო პეტრიაშვილმა მოიპოვა.
წყარო: sportall.ge
SHARE