ეროვნულ ლიგა 3-ში მოასპარეზე მარტვილის “მერანის” ფეხბურთელი დავით ციცხვარია კარიერას ტაილანდურ “პატანიში” გააგრძელებს – ამის შესახებ ორივე კლუბის Facebook-გვერდი იუწყება.
30 წლის ცენტრფორვარდმა ახალ კლუბში 7-ნომრიანი მაისური მოირგო და პირველი შეხვედრაც ჩაატარა.
რაც შეეხება “პატანის”, ეს კლუბი ტაილანდის ჩემპიონატის რანგით მეოთხე, სამხრეთის დივიზიონში ასპარეზობს, სადაც მეორე ადგილს იკავებს და ლიდერ “კადენზა სატუნ იუნაიტედს” 4 ქულით ჩამორჩება.
აღსანიშნავია, რომ ციცხვარია, გუნდში ერთადერთი ქართველი არ არის, “პატანის” ღირსებას 35 წლის მარჯვენა მცველი გიორგი ციმაკურიძეც იცავს, რომელიც კლუბს მიმდინარე წლის თებერვალში იმავე “მერანიდან” შეუერთდა.
წყარო: sportall.ge
