საქართველოს ფეხბურთის ფედერაციის (GFF) ინფორმაციით, ეროვნულ ლიგაში მაყურებელი დაშვებულია, წინასწარ შემუშავებული პროტოკოლი დღეს დამტკიცდა, 31 ივლისს კი თელავისა და თბილისის მერანის დაპირისპირებაზე ფანებს ვიხილავთ…
ეროვნული ლიგის მე-8 ტურიდან მაყურებელი სტადიონზე დაიშვება. გულშემატკივარს სტადიონზე შესვლა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ შემუშავებული პროტოკოლის მიხედვით მოხდება.
ეროვნულ ლიგაში გულშემატკივრის დასწრების პროტოკოლი
– ტრიბუნებზე დასაჯდომი ადგილის 33% უნდა იყოს დაკავებული;
– გულშემატკივრისთვის განკუთვნილი სკამები შესაბამისად უნდა იყოს მონიშნული;
– გულშემატკივარი ერთმანეთისგან 2-2 სკამის გამოტოვებით უნდა განთავსდეს;
– შიდა დახურულ საჯარო სივრცეებში აუცილებელია პირბადის გამოყენება;
– შეჯიბრის მონაწილეთათვის და დამსწრეთათვის სავალდებულოა ხელის ჰიგიენა;
– ხელის ჰიგიენის საშუალება არ უნდა იყოს 70%-იანი სპირტის შემცველ ხსნარზე ნაკლები;
– შეჯიბრში მონაწილეებმა მინიმალურად უნდა გამოიყენონ საერთო სპორტული ინვენტარი, გარდა ბატუტისა და ბურთისა;
– მატჩის შემდგომ უნდა ჩატარდეს დასაჯდომი ადგილების დეზინფექცია;
– უნდა იყოს გაკრული აბრები ყველასთვის, რომ არ ჩამოართვან ხელი ერთმანეთს და დაიცვან დისტანცია;
– გულშემატკივრები სტადიონზე შესვლამდე თერმო-სკრინინგს გაივლის.
– აღნიშნული რეკომენდაციებით ჩატარდება შეჯიბრები სპორტის სხვა სათამაშო სახეობებშიც: კალათბურთი, ხელბურთი, ფრენბურთი.
სპორტულ ღონისძიებებზე სტადიონზე მაყურებლის დაშვების ინიციატივით საქართველოს მთავრობას სფფ-ის პრეზიდენტმა, ლევან კობიაშვილმა მიმართა და გადაწყვეტილება უწყებათაშორისმა საკოორდინაციო საბჭომ 21 ივლისს გამართულ სხდომაზე მიიღო.
წყარო: popsport.com
