გორში, გურამ გაბუნიას სახელობის საფეხბურთო სკოლაში, იქაური აღსაზრდელებისთვის ბუნებრივსაფარიანი მოედანი განაახლეს. შემოდგომიდან ისინი განახლებულ, ბუნებრივსაფარიან მოედანზე ივარჯიშებენ. სამუშაოები რამდენიმე თვეა მიმდინარეობს და მასში, სკოლის ადმინისტრაციასთან ერთად, მწვრთნელები და სპორტსმენებიც არიან ჩართული.
“განხორციელდა ქართული ფეხბურთის განვითარების ფონდისა და ადგილობრივი ხელისუფლებისპროექტი. გორის საფეხბურთო სკოლაში ხელოვნურსაფარიანი მოედანი გვქონდა, მის გვერდით კიბუნებრივსაფარიანი სტანდარტული მოედანი მოეწყო, რადგან 700 ბავშვს გადავცდით და ვერვეტევით. ბუნებრივსაფარიანი მოედნების სიმცირიდან გამომდინარე, რესურსის გამოყენება და,ფაქტობრივად, გამოუსადეგარი სტადიონის სტანდარტებში მოქცევა გადავწყვიტეთ. სკოლისადმინისტრაცია, მწვრთნელები, ფეხბურთელები, მოკლედ, ყველა ამ იდეის გარშემო გავერთიანდითდა მშვენიერი შედეგიც მივიღეთ. შემოდგომისთვის გვექნება კიდევ ერთი ბუნებრივსაფარიანიმოედანი, სადაც ჩვენი სკოლის აღსაზრდელები ივარჯიშებენ“, – ამბობს საფეხბურთო კლუბ “გორის” ხელმძღვანელი გია ისიანი.
გურამ გაბუნიას სახელობის საფეხბურთო სკოლაში არსებულ ბუნებრივსაფარიან მოედანზე მიმდინარე სარეაბილიტაციო სამუშაოებისას, მოედანზე მაღალი ხარისხის ბალახიც დათესეს და მოედანი გააფართოვეს. სკოლის აღსაზრდელები შემოდგომიდან უკვე სტანდარტულ მოედანზე ივარჯიშებენ. ისიანის თქმით, ბუნებრივ საფარზე თამაშით ბავშვები უკეთ იზრდებიან:
“როცა ფეხბურთელი ხელოვნურსაფარიან მოედანზე ვარჯიშობს და თამაშობს, მისთვის ბუნებრივბალახზე გადართვა და ადაპტირება ძალიან რთულია. ამიტომ, ვცდილობთ, ჩვენს აღსაზრდელებს, შესაძლებლობების ფარგლებში, თანამედროვე პირობები შევუქმნათ არა მხოლოდ წვრთნის, არამედინფრასტრუქტურის თვალსაზრისითაც“.
გორის “დილას” ვეტერანი ფეხბურთელი როლანდ ნასყიდაშვილი იხსენებს: “ამ სტადიონზესარეაბილიტაციო სამუშაოები ჯერ კიდევ 1966 წელს, ალიოშა კოტრიკაძემ ჩაატარა. მას შემდეგ, სტადიონზე მცირე ინფრასტრუქტურული სამუშაოები კიდევ რამდენჯერმე განხორციელდა. მაგრამასეთი მასშტაბის ღონისძიებები ამ დრომდე არ ჩატარებულა. 2008 წლის ომის დროს კი, მოგეხსენებათ, აქ კარვები იყო გაშლილი, რამაც თავისი კვალი დატოვა… ამ ფაქტიდან 11 წლის შემდეგ, ჩვენიორგანიზაციის ხელმძღვანელის ინიციატივითა და ხელისუფლების გვერდში დგომით, ეს ძალიანმნიშვნელოვანი საქმე გაკეთდა“.
გია ისიანის ინფორმაციით, განახლებულ სტადიონზე სარწყავი სისტემის მონტაჟიც იგეგმება. გორის მუნიციპალიტეტის კლუბ “გორის” ხელმძღვანელი ასევე იმედოვნებს, რომ სტადიონზე შესაძლებელი იქნება განათების დამონტაჟებაც და მალე დადგება ის დრო, როცა მომავალი ფეხბურთელები საქართველოში ბუნებრივსაფარიან მოედნებზე გაიზრდებიან. რაც შეეხება უკვე ჩატარებულ სამუშაოებს, ისიანი ამბობს, რომ თანაშრომლების ფიზიკური შრომის პარალელურად, საჭირო ტექნიკით და სხვადასხვა მიმართულებით ეხმარებოდნენ ადგილობრივ ხელისუფლება და გორის მაჟორიტარი დეპუტატი.
როგორც ორგანიზაციაში ამბობენ, საფეხბურთო სკოლამ, შესაბამისი კატეგორიის მოთხოვნების დაკმაყოფილებისთვის, 50-ათასლარიანი დაფინანსება მოიპოვა და თანხა კვლავ სკოლის განვითარებისთვის დაიხარჯა, რაც თავის მხრივ, ინფრასტრუქტურული საჭიროებების მოგვარებას, ასევე, სხვადასხვა საჭირო ინვენტარის შეძენას გულისხმობდა:
“ახლო მომავალში, შესაბამისი ჯგუფები აქტიურ მონიტორინგს კვლავ დაიწყებენ და იმედია, ჯგუფისშეფასებების შედეგად ფინანსურ მხარდაჭერას კვლავ მივიღებთ. ბავშვთა ფეხბურთისგანვითარებისთვის, აუცილებელია, შესაბამისი სტანდარტების დაცვა და ჩვენი საფეხბურთო სკოლა ამმოთხოვნებს ნამდვილად აკმაყოფილებს“.
ამ დროისთვის, გურამ გაბუნიას სახელობის საფეხბურთო სკოლის აღსაზრდელთა რაოდენობამ 700-ს გადააჭარბა. ეს კონტინგენტი საწვრთნელ ვარჯიშებს სამ ბუნებრივსაფარიან და რამდენიმე ხელოვნურსაფარიან მოედანზე გადის.
წყარო: lelo.ge
