ბუფონის კონტრაქტის დეტალები

ჯანლუიჯი ბუფონი „იუვენტუსში“ საინტერესო პირობით დაბრუნდა.

როგორც ავტორიტეტული იტალიელი ჟურნალისტი ადრიანო დელ მონტე იტყობინება, ბუფონმა ტურინულ გრანდთან გაფორმებულ ერთწლიან კონტრაქტში ჩაადებინა პუნქტი, რომლის მიხედვითაც, მან მომდევნო სეზონში სერია ა-ს მინიმუმ 8 შეხვედრაში მიიღებს მონაწილეობას.

ციფრი „8“ შემთხვევით შერჩეული არ არის – საქმე ისაა, რომ სერია ა-ს ისტორიაში ყველაზე მეტი მატჩი ამჟამად პაულო მალდინის აქვს ჩატარებული – 647, მეორე ადგილს კი სწორედ „ჯიჯი“ იკავებს 640 მატჩით. მომდევნო სეზონში 8 თამაშის ჩატარებით კი იტალიელი პირველ ადგილზე გადაინაცვლებს.

რაც შეეხება ხელფასს, ბუფონი წლიურად 1.5 მილიონ ევროს და სხვადასხვა ბონუსებს მიიღებს.

შეგახსენებთ, რომ “ჯიჯიმ” ტურინში სამედიცინო შემოწმება დღეს გაიარა და ტრანსფერი ოფიციალურად სულ მალე დადასტურდება.