დებიუტი შედგა: „დინამომ“ წყალბურთის ჩემპიონთა ლიგა ესპანეთში გახსნა

9 ოქტომბერს, ჩემპიონთა ლიგის ჯგუფური ეტაპის პირველ, სადებიუტო მატჩში წყალბურთელთა კლუბი თბილისის “დინამო” სტუმრად ესპანურ “ტერასასთან” 5:9 დამარცხდა.

მასპინძლები უკეთ შეთამაშებულად გამოიყურებოდნენ, ჩვენი გუნდი კი თავიდან დაბნეული ჩანდა და პირველი ტაიმი ესპანელებმა 7:3 მოიგეს.

მესამე პერიოდში მეტოქე სწრაფად ვეღარ თამაშობდა და ჩვენმა გუნდმა ანგარიშის სხვაობა შეამცირა – 4:7, თუმცა საბოლოოდ მაინც დამარცხდა.

“დინამოდან” გოლები ფაბიო ბარალდიმ (2), ზურაბ რურუამ, ბორის ვაპენსკიმ და დამირ ცრეპულიამ გაიტანეს.

აღსანიშნავია, რომ “დინამოს” არ გაუმართლა – ბურთი ძელს ექვსჯერ გაარტყეს.

19 ოქტომბერს “დინამო” ზაგრებში “მლადოსტს” შეხვდება, შემდეგ კი, 30 ოქტომბერს ბუდაპეშტის ოსც-ს უმასპინძლებს.

რვაგუნდიანი B ჯგუფიდან შემდეგ ეტაპზე პირველი ოთხეული გადის.