“მანჩესტერ იუნაიტედმა” შესაძლოა “იუვენტუსის” თავდამსხმელი, პაულო დიბალა დაიმატოს.
“ეშმაკუნები” “ბებერი ქალბატონის” ერთ-ერთი ლიდერით სერიოზულად ინტერესდებიან.
როგორც იტალიურ პრესაში იწერება, თავის მხრივ, ტურინული გრანდი მზადაა მოლაპარაკებებში ჩაერთოს და არგენტინელი ფორვარდის თაობაზე წინადადებები განიხილოს.
დიბალას მოქმედი ხელშეკრულების ვადა 2022 წლის 30 ივნისს ეწურება, მისი სატრანსფერო ღირებულება კი 85 მილიონ ევროს შეადგენს, Transfermarkt-ის ვერსიით.
“იუვენტუსის” რიგებში პაულოს 182 მატჩი აქვს ჩატარებული, 78 გოლი გატანილი და 31 შედეგიანი პასი გაკეთებული.
წყარო: goal.ge
