მადრიდის “ატლეტიკოს” პრეზიდენტმა ენრიკე სერესომ იმ ჭორების შესახებ გააკეთა კომენტარი, რომლის მიხედვით, კლუბმა შესაძლოა ხამეს როდრიგესი დაიმატოს.
“ატლეტიკო” ყოველთვის იყო დაინტერესებული ტოპ-ფეხბურთელებით, ხოლო ხამესი ერთ-ერთი მათგანია. რაც შეეხება მის ტრანსფერს, მაგამდე შორია. მოლაპარაკებების შესახებ არაფერი ვიცი”, – თქვა სერესომ “მარკასთან” საუბარში.
შეგახსენებთ, რომ ბოლო 2 სეზონის განმავლობაში როდრიგესი “ბაიერნში” გამოდიოდა, რომელმაც ფეხბურთელი არ გამოისყიდა. გასულ სეზონში მან ყველა ტურნირზე 28 მატჩი ითამაშა, 7 გოლი გაიტანა და 6 საგოლე გადაცემა გააკეთა.
ფეხბურთელის კონტრაქტი მადრიდის “რეალთან” 2021 წლის 30 ივნისამდე გრძელდება, ხოლო მისი სატრანსფერო ფასი 50 მლნ ევროს შეადგენს.
წყარო: sportall.ge
