„ამ შემადგენლობის შერჩევის პროცესი ბოლო 3,5 წლის განმავლობაში მიმდინარეობდა. ამ პერიოდის განმავლობაში მათ თამაშს კლუბებსა და ეროვნულ ნაკრებში ვაკვირდებოდით – მათ ფიზიკურ მდგომარეობას და მზადყოფნას.
სამი წლის წინ მთელმა მენეჯმენტმა და მორაგბეებმა დავისახეთ მიზნები და ფასეულობები, რაც უნდა გაგვეკეთებინა. ეს ყველაფერი დაგვეხმარა, როგორ გუნდი მზად ყოფილიყო ყოველი მატჩისთვის და საბოლოო გუნდი შეგვერჩია.
მოხარული ვარ, რომ ვასახელებთ ძლიერ გუნდს. გუნდი, რომელსაც ვასახელებთ, არის ბრწყინვალე მდგომარეობაში. ახლა შემადგენლობა ინდივიდუალურ ვარჯიშებს აწარმოებს, მიმდინარეობს სარეაბილიტაციო პროცესებიც. ლეგიონერები გუნდს მაშინ შემოუერთდებიან, როცა ამის საშუალება იქნება.
რაც შეეხება ზურაბ ჟვანიას, მიზეზი მარტივია – ის არ არის შესაბამის ფორმაში, რომ მოხვდეს შემადგენლობაში. არავითარ პირად ინტერესზე არ არის საუბარი და ვერც იქნება.
95 პროცენტმა ნაკრების მოთამაშეებისა, ინდივიდუალური ტესტები ჩააბარეს და ისეთი შედეგი დადეს, რაც აქამდე არ მიუღწევიათ. ზურა იმ 5 პროცენტშია, რომელმაც ეს ვერ მოახერხა.
მესმის, მორაგბე გულგატეხილია, იმის გამო, რომ გუნდში ვერ მოხვდა, თუმცა ამ სიაში ბევრი მორაგბე ვერ მოხვდა. რა თქმა უნდა, ამით ბედნიერი არ ვარ.
რა თქმა უნდა, მხოლოდ ერთი ტესტი არ იყო კრიტერიუმი, მაგრამ როდესაც, არის შეთანხმება, რომ რაღაცის გაკეთება მოგიწეს კონკრეტულ დროს და იყო საუკეთესო ფორმაში, ეს უნდა შეასრულო.
არის ერთი მორაგბე ამ ხუთი პროცენტიდან, რომელიც შემადგენლობაში ვიხმეთ, რადგან ვინც გათვალისწინებული გვყავდა იმან ტრავმა მიიღო. შესაძლოა, მსგავს შემთხვევაში, შემადგენლობაში ზურაბ ჟვანიაც ვიხილოთ.
ყველა მიზანზე, ვერ ვისაუბრებთ, რისი მიღწევაც გვსურს მსოფლიო თასზე, მაგრამ მინიმუმ იმის გამეორება გვსურს, რაც წინა ჩემპიონატზე გავაკეთეთ.
მსოფლიო თასზე თუნდაც იგივეს გამეორება, ბევრად რთული იქნება. ფიჯისთან და ურუგვაისთან, რომელიც ჩვენსავით მეორე ეშელონის ნაკრები არიან, ბრძოლა რთული იქნება“, – განაცხადა მილტონ ჰეიგმა.
წყარო: sportall.ge
