“საბურთალო” რთული ამოცანის წინაშეა. ქართულმა კლუბმა პირველ შეხვედრაში ხარისხიანი თამაში კი აჩვენა, თუმცა საკუთარ მოედანზე ორბურთიანი სხვაობით დამარცხდა, რაც მის შანსებს შემდეგ ეტაპზე გასასვლელად მინიმუმამდე ამცირებს.
მიუხედავად ამისა, გიორგი ჭიაბრიშვილის შეგირდები ზაგრებში მოტივირებულები ჩავიდნენ და მოედანზე წინასწარ დამარცხებულის მენტალიტეტით გასვლას არ აპირებენ.
მართალია, ზაგრების “დინამო” მოლდოვის
ჩემპიონზე მაღალი დონის გუნდია, თუმცა “საბურთალოს” საკუთარი შანსები ნამდვილად ექნება.
საქართველოს ჩემპიონი ხორვატიაში რამდენიმე მნიშვნელოვანი დანაკლისით გაემგზავრა – პირველ რიგში, გიორგი კოხრეიძე უნდა აღინიშნოს, რომელმაც აქამდე ჩატარებულ სამივე შეხვედრაში ყვითელი ბარათი მიიღო და მატჩს ამ მიზეზით გამოტოვებს.
მეოთხე ფეხბურთელი კი, ვინც ზაგრებში ვერ გაემგზავრა, ელვინ ტერაა. კენიელს სავიზო პრობლემები შეექმნა.
როგორც ვხედავთ, დანაკლისი დიდია და “საბურთალოს” შეტევის მნიშვნელოვანი პოტენციალი დააკლდება, თუმცა გიორგი ჭიაბრიშვილის გუნდში არიან მოთამაშეები, რომლებსაც ამ დანაკლისის შევსება შეუძლიათ.
გასულ სეზონში ლევანმა ლუქსემბურგული “დუდალანჟის” რიგებში ევროპა ლიგის ჯგუფურ ეტაპზე იასპარეზა, თუმცა, როგორც მთავარმა მწვრთნელმა აღნიშნა, 28 წლის ფეხბურთელი ჯერ სათანადო ფორმაში არ არის.
გარდა ამისა,”მაქსიმირზე” ჩასატარებელი მატჩის განაცხადშია ესპანელი დანი ოლმო, რომელიც თბილისში გუნდთან ერთად არ იმყოფებოდა.
აღსანიშნავია კიდევ ერთი ფაქტი – დღევანდელი შეხვედრა გულშემატკივრების გარეშე ჩატარდება, რაც წესით, “საბურთალოსთვის” კარგი უნდა იყოს.
- ზაგრების “დინამო” ევროტურნირებზე საკუთარ მოედანზე ბოლოს 2018 წლის აგვისტოში “ფენერბახჩესთან” 1:2 დამარცხდა
- “საბურთალო” შემდეგ ეტაპზე გასვლის შემთხვევაში “ფერენცვაროშსა” და “ვალეტას” შორის გამარჯვებულს შეხვდება, მარცხის შემთხვევაში კი – “არარატსა” და გიბრალტარულ “ლინკოლნ რედ იმპს” შორის გამარჯვებულს.
30 ივლისი. მაქსიმირი
საბურთალო-ზაგრების დინამო 22:00
სავარაუდო შემადგენლობები
დინამო (4-1-4-1): ლივაკოვიჩი, სიტუმი, ლესკოვიჩი, პერიჩი, ლეოვაჩი, ადემი, გოჯაკი, ატიემვენი, მორო, ჰაიროვიჩი, ორსიჩი, პეტკოვიჩი
