ფიფამ გამოაქვეყნა განრიგი მსოფლიოს 2022 წლის ჩემპიონატისა, რომელიც ყატარში გაიმართება. დადგინდა, რომ გახსნის მატჩს 21 ნოემბერს ალ ხორის სტადიონი “ალ ბაითი” უმასპინძლებს.
ეს არენა 60 ათასს იტევს. გახსნის მატჩის ერთ-ერთი მონაწილე მასპინძელი – ყატარის ნაკრების იქნება. ჯგუფური ეტაპი 2 დეკემბრამდე გასტანს, ხოლო 3 დეკემბრიდან უკვე მერვედფინალები დაიწყება.
9 და 10 დეკემბერს მეოთხედფინალური მატჩები გაიმართება, 13-14 დეკემბერს – ნახევარფინალები, ხოლო ფინალურ მატჩს ქალაქი ლუსაილი, ამავე სახელობის 80-ათასიან სტადიონზე 18 დეკემბერს უმასპინძლებს.
რაც შეეხება მატჩს III ადგილისთვის, ის ფინალამდე ერთი დღით ადრე დოხას 45-ათასიან “ხალიფაზე” გაიმართება.
საინტერესოა თამაშების დაწყების დროები. ჯგუფური ეტაპის მატჩები სამსაათიანი ინტერვალით ჩატარდება – 14:00, 17:00, 20:00 და 23:00 საათზე (დრო საქართველოსია).
1/8 და 1/4 ფინალების დაწყების დროები 19:00 და 23:00 საათით განისაზღვრა. ნახევარფინალები და ფინალები 23:00 საათზე, ხოლო III ადგილისთვის მატჩი 19:00 საათზე.
წყარო: lelo.ge
