ქართველი მოკრივე ფინალშია

ქართველი მოკრივე ნახევარფინალში ფედერიკო სერას დაუპირისპირდა და მძიმე, დაძაბულ ბრძოლაში 3:2 გაიმარჯვა (29:28, 28:29, 29:28, 29:28, 28:29).

ამრიგად, ალახვერდოვს მინიმუმ ვერცხლის მედალი გარანტირებული აქვს, მაგრამ ოქროს მოპოვების ჩინებული შანსიც გააჩნია. ცნობისთვის, კრივში მიმდინარე ტურნირი ევროპული თამაშების გარდა, ევროპის ჩემპიონატის ეგიდითაც იმართება და შესაბამისად, ჩვენებურმა ევროპის ჩემპიონატის პრიზიორობაც გაინაღდა.

აქვე გეტყვით, რომ დღესვე, კრივში 60 კგ წონით კატეგორიაში ბრინჯაოს მედალი მოიპოვა ოთარ ერანოსიანმა. რაც შეეხება ალახვერდოვს, ფინალში კვირას, 30 ივნისს იასპარეზებს და მისი მეტოქე სომხეთის წარმომადგენელი არტურ ჰოვნანისიანი იქნება, რომელმაც ნახევარფინალში ირლანდიელი დელი რეგანი 3:2 დაამარცხა.