საქართველსო ნაკრებისა და შვედური „გიოტებორგის“ შემტევი ნახევარმცველი გიორგი ხარაიშვილის პირველი უცხოური ტიტულის მფლობელი გახდა.
მისი კლუბი, „გიოტებორგი“, შვედეთის თასის ფინალში გავიდა, სადაც „მალმეს“ შეხვდა და პირველი ტაიმის შემდეგ 0:1-ს აგებდა, მაგრამ მატჩის მიწურულს მეტოქეს თასი გამოგლიჯა – 86-ე წუთზე პატრიკ ლარსონ-ლაგემურმა წონასწორობა აღადგინა, ხოლო 90+4-ე წუთზე ალექსანდრე ფარნერუდმა „გიოტებორგს“ გამარჯვება და ნანატრი ტიტული მოუტანა – 2:1.
შვედეთის თასის მოგებით „გიოტებორგმა“ ევროპის ლიგის მეორე საკვალიფიკაციო ეტაპზე თამაშის უფლება მოიპოვა. აღსანიშნავია, რომ გუნდმა ბოლოს ტიტული 2015 წელს მოიპოვა – „გიოტებორგი“ მაშინაც თასის მფლობელი გახდა.
საქართველოს ნაკრების ნახევარმცველმა გუნდის ფინალში გასვლაში დიდი როლი ითამაშა – საწყის ეტაპზე პირველი ორი მატჩი „გიოტებორგმა“ ქართველის გოლებით მოიგო – მაგრამ ფინალი ხარაიშვილმა გამოტოვა. როგორც ცნობილი გახდა, ქართველი ფეხბურთელი ტრავმირებულია.
წყარო: 1tv.ge
