NBA-ს ლეგენდის კობი ბრაიანტის მეუღლემ ვანესა ბრაიანტმა პირველად საჯაროდ გამოეხმაურა, ქმრისა და 13 წლის ქალიშვილის ავიაკატასტროფაში დაღუპვის ამბავს.
“მე და ჩემმა ქალიშვილებმა მინდა მადლობა გადავუხადო იმ მილიონობით ადამიანს, რომლებმაც მხარდაჭერა და სიყვარული გამოგვიცხადეს ამ საშინელ მომენტში. მადლობა თქვენი ლოცვისთვის. ეს ძალიან გვჭირდება.
თავზარდაცემულები ვართ ჩემი უსაყვარლესი ქმრის კობის, რომელიც გასაოცარი მამა იყო და ჩემი ულამაზესი, ნათელი ჯაიანის – მოსიყვარულე, გონებაგახსნილის და შესანიშნავი ქალიშვილის, ნატალის, ბიანკასა და კაპრის კარგი დის უეცარი დაკარგვით.
ჩვენ ასევე ვდარდობთ იმ ოჯახებზე, რომლებმაც ახლობელი ადამიანები დაკარგეს იმ დღეს. მათ მწუხარებას ვიზიარებთ.
სიტყვები არ გვყოფნის, რომ აღვწეროთ ის ტკივილი, რომელსაც ახლა განვიცდით.ცოტა უკეთ ვხდები, როცა ვიაზრებ, რომ კობიმ და ჯაიანამ იცოდნენ თუ რამდენ ადამიანს უყვართ ისინი. ჩვენ ისე გაგვიმართლა, რომ ისინი ჩვენს ცხოვრებაში იყვნენ. მინდა, რომ ისინი მუდამ ჩვენთან იყვნენ. ეს მოვლენილი ბედნიერება ძალიან ადრე წაგვართვეს.
ჯერ არ ვიცი, რა გველოდება მომავალში – წარმოუდგენილია მათ გარეშე წარმოვიდგინო ცხოვრება, მაგრამ ყოველდღე ვიღვიძებთ და ვცდილობთ წინ წავიდეთ, რადგან კობი და ჩემი პატარა ჯიჯი გვინათებენ, რომ გზა გვანახონ. ჩვენი სიყვარული მათდამი მუდმივი და უზომოა. უბრალოდ მინდა მქონდეს საშუალება გადავეხვიო მათ, ვაკოცო და დავლოცო, რომ ისინი მუდამ ჩვენთან იყვნენ.
მადლობა, რომ გვიზიარებთ თქვენს სიხარულს, მწხარებას და მხარს გვიჭერთ. იმედი გვაქვს თქვენი პატივისცემის ჩვენი პირადი ცხოვრების მიმართ, რომელიც დაგვჭირდება, რომ გავუმკლავდეთ იმ ახალ რეალობას, რომელიც ჩვენს წინაშე დგას.
დიდი მადლობა, რომ მოგვიხსენიეთ ლოცვებში და სიყვარულისთვის კობის, ჯიჯი, ნატალი, ბიანკას, კაპრისა და ჩემს მიმართ”, – დაწერა ვანესამ “ინსტაგრამში”.
წყარო: sportall.ge
