სად ვუყუროთ ქართული კლუბების თამაშებს ევროპა ლიგაზე

დღეს, 11 ივლისს, ევროპა ლიგის პირველ საკვალიფიკაციო ეტაპზე სამი ქართველი კლუბი ჩაერთვება.

პირველ შეხვედრას ყაზახეთში “ორდაბასის” წინააღმდეგ ქუთაისის “ტორპედო” გამართავს. ეს დაპირისპირება თბილისის დროით 18:00 საათზე დაიწყება და მისი პირდაპირ ეთერში ხილვა საქართველოს საზოგადოებრივი მაუწყებელის “პირველ არხზე” იქნება შესაძლებელი.

თბილისის “დინამო” “დინამო არენაზე” ანდორულ “ენგორდანს” მიიღებს. შეხვედრა 21:00 საათზე აიღებს სტარტს.

მატჩის პირდაპირ რეპორტაჟს საქართველოს საზოგადოებრივ მაუწყებელი გადასცემს.

მესამე შეხვედრა კი, რომელშიც ქართული კლუბი მიიღებს მონაწილეობას, ლუქსემბურგში გაიმართება, სადაც საჩხერის “ჩიხურა” ადგილობრივ “ფოლას” დაუპირისპირდება. მატჩი 21:30 საათზე დაიწყება.

Sportall.ge-ს ჟურნალისტი ხვიჩა ყაზაიშვილი ლუქსემბურგში იმყოფება და სიახლეებზე ადგილიდან იმუშავებს.