თბილისის “დინამოს” მეტოქემ ევროპა ლიგის მეორე საკვალიფიკაციო ეტაპზე მორიგი ტრანსფერი განახორციელა.
“გაბალამ”, რომელშიც ორი ქართველი ფეხბურთელი დავით ვოლკოვი და მერაბ გიგაური თამაშობს, 31 წლის ხორვატი მცველი ივიცა ჟუნიჩე დაიმატა და მასთან ნახევარწლიანი კონტრაქტი გააფორმა.
ხორვატის ბოლო კლუბი ყაზახური “ატირაუ” იყო, სადაც ნახევარი სეზონის განმავლობაში 18 მატჩი ითამაშა და ორი გოლი გაიტანა.
აქამდე “გაბალამ” ფერნან ფერეირა ლოპესი, მერაბ გიგაური, კამალ მირზოევი, სადიკ გულიევი, კრისტიან კუაკუ და კლესიო ბაუკუ დაიმატა.
წყარო: sportal.ge
