„მილანი“, „ტოტენჰემი“, „ბაზელი“… – ვინ არიან თბილისის „დინამოსა“ და „ლოკომოტივის“ სავარაუდო მეტოქეები ევროპა ლიგაზე

გუშინ, 27 აგვისტოს, თბილისის “ლოკომოტივმა” რუმინული “კრაიოვას” დამარცხებით ევროპა ლიგის მეორე საკვალიფიკაციო ეტაპზე თამაშის უფლება მოიპოვა, ხოლო თბილისის “დინამოს” შესახებ აქამდეც ვიცოდით.

ამ სტატიაში გაგაცნობთ იმ გუნდების ვინაობას, რომლებიც ქართულ კლუბებს ევროპა ლიგის საკვალიფიკაციო ეტაპზე შეიძლება დაუპირისპირდნენ.

მოგეხსენებათ, “დინამო” ევროპა ლიგაზე “ჩემპიონთა გზას” მიუყვება. ევროპა ლიგის მეორე საკვალიფიკაციო ეტაპის ამ გზაზე 20 გუნდი ითამაშებს – აქედან 17 გუნდი ჩემპიონთა ლიგის 1-ელ ეტაპზე დამარცხების შემდეგ გადმოერთვება, 3 კი – ჩემპიონთა ლიგის წინასწარ ეტაპზე მარცხის შემდეგ.

ევროპა ლიგის მეორე საკვალიფიკაციო ეტაპზე მოთამაშე გუნდები (ჩემპიონთა გზა):

ქონაჰ’ს ქუეი ნომედსი

ევროპა

არარატ-არმენია

კუპსი

კრ რეიკიავიკი

სილექსი

ფლორიანა

ტრე ფიორი

დრიტა

ინტერი

გამუქებული გუნდები ამ ეტაპზე განთესილები იქნებიან, ხოლო ჩამონათვალში “რიგას” ქვევით მყოფი კლუბები კი – განუთესავები.

შესაბამისად, თბილისის “დინამოს” მეტოქე ამ 10 გუნდიდან ერთ-ერთი იქნება: ქონაჰ’ს ქუეი ნომედსი(უელსი), ევროპა(გიბრ), არარატ-არმენია(სომხ), კუპსი(ფინეთი), კრ რეიკიავიკი(ისლ), სილექსი(ჩრდ. მკდ), ფლორიანა(მალტ), ტრე ფიორი(სან მარ), დრიტა(კოსო), ინტერი(ანდ).

ამ გუნდებიდან ყველაზე არასასურველი მეტოქე “არარატ-არმენია” გახლავთ. სხვებთან შედარებით “ფლორიანა” და “სილექსი” უკეთესები ჩანან.

რაც შეეხება “ლოკომოტივის” მეტოქეებს, აქ გაცილებით რთულად არის საქმე. “რკინიგზელებს” ევროპა ლიგის მეორე საკვალიფიკაციო ეტაპის “სტანდარტულ გზაზე” ყველაზე ნაკლები ქულა აქვთ და ცხადია, განუთესავები იქნებიან. სავარაუდო მეტოქე კი ძალიან ბევრია, მათ შორის: “ტოტენჰემი”, “ბაზელი”, “ვოლფსბურგი”, “გალათასარაი”, “მილანი”, “გრანადა”, “რეინჯერსი”…

არსებული ვითარებიდან გამომდინარე, სასურველი მეტოქეები ეს გუნდებია: “ზე ნიუ სეინთსი”, “ჰართბერგი”, “ზრინსკი მოსტარი”, “ჟალგირისი”, “ორჰუსი”, “მოზერუელი”. ძველი სპეციფიკიდან გამომდინარე, შესაძლოა თბილისელებს სხვა ძლიერ კლუბებთან შედარებით, მოსკოვის “დინამოსა” და უკრაინულ “კოლოსთან” თამაში უფრო გაუადვილდეთ, თუმცა მაინც ურთულესი შეხვედრა ელით.

თუ “დინამოს” შედარებით სუსტი გუნდი შეხვდა, გასვლით შეხვედრაშიც წარმატების მეტი შანსი ექნება. “ლოკომოტივს” კი აუცილებლად სჭირდება საკუთარ მოედანზე თამაში, სადაც გამოჩნდა, რომ მასზე გაცილებით ძლიერი და მდიდარი გუნდის დამარცხებაც შეუძლია.

ევროპა ლიგის მეორე საკვალიფიკაციო ეტაპის კენჭისყრა 31 აგვისტოს გაიმართება.