გიორგი ჩაკვეტაძის მინდორზე დაბრუნებამდე ბევრი დრო აღარ დარჩა და ისევ განახლდა მითქმა-მოთქმა მის შესაძლო ტრანსფერზე. ბოლო ინფორმაციით, ჩაკვეტაძით “ვალენსიაა” დაინტერესებული.
ცნობილია, რომ მან უკვე გააფორმა “გენტთან” ახალი კონტრაქტი. კლუბის დირექტორმა ივან დე ვიტემ განაცხადა, რომ არ აპირებენ გუნდის ლიდერების – გიორგი ჩაკვეტაძის, რომან იარემჩუკისა და ჯონათან დევიდის დათმობას.
“ძალიან რთული სათქმელია, რა და როგორ იქნება სამომავლოდ. ყველაფერს ვაკეთებთ იმისთვის, რომ წამყვანი ფეხბურთელები შევინარჩუნოთ. ტრავმის გამო ხანგრძლივი პერიოდი გაუცდა გიორგი ჩაკვეტაძეს. ის გამოჯანმრთელდა და ამ თვეში უკვე მწყობრში იქნება“, – თქვა დე ვიტემ.
წყარო: sportall.ge
