ზაგრების “დინამოს” მთავარმა მწვრთნელმა ნენად ბიელიცამ მატჩის შემდეგ თქვა, რომ “საბურთალოს” სტილი მისთვის სიურპრიზი იყო:
– ვიცოდით, რომ უნდა მოგვეთმინა და მეტოქეს დავამარცხებდით. “საბურთალო” რომ კარგი გუნდია, ეს დღესაც გამოჩნდა – ქართველებს გოლის გატანის რამდენიმე შანსი ჰქონდათ. დასაწყისში ჩვენ კარგად ვერ გამოვიყურებოდით, მაგრამ დენი ოლმოსა და ბრუნო პეტკოვიჩის შესვლის შემდეგ თამაში აშკარად გამოსწორდა და ჩვენი უპირატესობა გამოიკვეთა. დღეს ჩვენ უკეთესი გუნდი ვიყავით. “საბურთალოს” სტილი ჩემთვის სიურპრიზი იყო. ამ გუნდს ძალიან ნიჭიერი ფეხბურთელები ჰყავთ და ევროპალიგის ჯგუფში შესვლის უნარი შესწევს.
ხორვატული გამოცემა index.hr წერს: “ბიელიცას გუნდმა პირველი მატჩი 2:0 მოიგო. ამისმიუხედავად, ზაგრების “დინამოს” მწვრთნელი ნერვული აფეთქების ზღვარზე იყო. ბოლო 30 წუთიადგილზე ვერ ჩერდებოდა, სულ ფეხზე იდგა, ყვიროდა, ხტუნავდა… სტრესმა მხოლოდ მაშინგაუარა, როცა მოედანზე ოლმო და პეტკოვიჩი შევიდნენ“.
წყარო: lelo.ge
